Ang magsyota at ang celpon. Bow!

Noong isang araw habang papunta sa sakayan si timangkey, me nadaan xa magsyota. Nagyoyosi si lalaki. Si babae naman ay parang inis at nagsasalita lang.

Hindi pinansin ni timangkey. Habang nag aantay, sindi muna ng yosi.

Ayan! me sasakyan na. Pumarada. Walang pang sakay.

Sakay si timangkey. Nakikinig ng music.

Biglang sumakay ang magsyota. Una si lalaki. Me hawak itong celpon. Pinagpapawisan. Punas ng punas sa pawis nya. (hindi naman ganun kainit) hmmmm…

Sumunod sumakay si babae. Galit na galit na xa. Pinagsasalitaan ng kung ano ano si lalaki. Dedma lang si lalaki. Kinakalikot lang ni lalaki ang celpon.

“Gago ka talaga! Akin na yang celpon..” sabi ng babae.

Hindi ko maxado marinig kasi malakas ako magpatugtog ng music. Kaya hininaan ko konti.hahaha (usisero si timangkey)

“Gago ka! Bigay mo sa akin yan” ani ni babae sabay inaagaw ang celpon. Pero malupit mag box out ang lalaki. (siguro nagbabaskebol)

Hindi pa rin umaandar ang jeep. Nag aantay ng mga pasahero. Me sumakay na mag asawa. Tinginan sila ng mapansin ang drama na nagaganap sa loob ng jeep. Pero kunwari patay malisya sila.

Itong si timangkey naman, nag eenjoy. Nakaisip na naman pagkakaabalahan. Nakapatong ang kamay sa bag na nakapatong sa kanyang lap.

Sinuntok ng babae ang balikat ng lalaki. Dedma si lalaki, kinakalikot pa rin ang celpon nya. Punas pa rin ng pawis. Si timangkey naman, umangat ang isang daliri sa kaliwang. (walang hiya, nagiiskor ang timangkey)

“Tangina mo! Gago ka talaga!” sabi ng babae. (angat pangalawang daliri sa kaliwang kamay ni tmangkey) 2-0

Biglang sinunggaban ng babae ang celpon. Si lalaki mabilis. Naharangan nya ng balikat ang babae. Bigo si babae. (angat ang isang daliri ni timangkey sa kanang kamay) 2-1

“Bakit ba? Celpon ko ito ah! Ano problema mo?” sabi ng lalaki. pero hindi pagalit. parang natatakot. Pinapawisan pa rin. (hindi kaya natatae ito? kanina pa pinapawisan)

(kahit walang conviction ang pagsagot ng lalaki, angat ang pangalawang daliri ni timangkey sa kanang kamay) 2-2

Naiiyak na ngaun ang babae. “Akin na yan! Pakita!” sabi ni babae. (nag-isip si timangkey…. umangat pangatlong daliri sa kanang kamay) 2-3

Nahahalata na ng mag asawa ang ginagawa ng timangkey. Nangingisi ang matandang babae.

“Akin na yan!” sabi ni babae sabay sampal sa mukha ni lalaki.

“Ang kapal kapal ng mukha mo!” sampal ulit. sapul pa rin mukha ni lalaki (at least hindi na nya kailangan punasan pawis nya. tumalasik na eh)

(Angat pangatlo at pang apat na daliri ni timangkey sa kaliwang kamay) 4-3

Patuloy pa rin sa pagkalikot ng celpon ang pawisang lalaki. Nagbubura ata. (nagisip si timangkey… iiskoran ba nya ang lalaki sa bawat mabura nyang message?…. hmmm.. hindi na, hindi naman nya makita eh.)

“Ang kapal talaga ng mukha mo!” galit na si babae. sinabunutan si lalaki sabay sunggab sa celpon.

Nasaktan ata si lalaki sa sabunot. Nakuha ni babae ang celpon. (5-3)

Pero akmang magbabasa ang babae, inagawa ulit ni lalaki ung celpon. (Humahanga na si tmangkey sa lalaki. Magaling talaga.hahaha idol) 5-4

“Tang-ina mo!” sabi ni babae. sabay suntok ng 3 beses sa balikat ni lalaki. Umiiyak na ang babae. (hmmmm…) 6-4?

Nahihiya na siguro si lalaki sa nangyayari, bigla itong bumaba (Ngaun ka pa nahiya). Iniwan ang babae na umiiyak sa jeep. Pero hindi pa nakakalayo ung lalaki, bigla bumaba si babae. Hinabol sa lalaki. Deadma lang ang lalaki kahit kinakausap (minumura) ng babae.

Final Score? 6-4.. Panalo si babae.

Pero panalo ng ba? hmmm….

Pinalakas muli ni timangkey ang music…. at nagmuni-muni…