Torpe.

Isang salita na nagpapahiwatig ng kahinaan. Malimit gamitin sa mga lalaking nauunahan ng hiya pagdating sa mga babae. Kung lalake ka, malamang naranasan mo ng maging torpe. Meron mga babaeng sadyang pumupukaw sa iyong katauhan at ang resulta, nawawalan ka ng lakas ng loob. Nalulon ang dila kumbaga.

Sa mga pagkakataong naranasan mo yan, gusto mong magsalita ngunit hindi mo magawa, nasasabi mong, Tinig, asan ka?

Kaya heto ang alay ko para sa lahat ng Torpe at sa mga minsan ng naging torpe.

 

Tinig(asan ka?)

Nakita mo ang isang dalaga

Marikit na bituin at bulalak na kaaya-aya

Tinitigan mo siya at tinitigan ka niya

Nalunok mo ang iyong dila, Tinig asan ka?

 

Papalapit siya na naglakad

Hakbang nyang kay banayad,

Binti at hitang malaporselana

Di ka pa rin makaimik, Tinig asan ka?

 

Umupo sa tabi mo at labi’y nakangiti

Simpula ng mansanas, ngipin na mapuputi

Kumikinang na mga mata, titig nyo ay nagtama

Nakatikom iyong bibig, Tinig asan ka?

 

Kurba ng katawan, damit na masikip

Matarik na mga bundok, baywang na maliit

Bumuka kanyang bibig, ika’y kinamusta

Di ka pa rin natinag, Tinig asan ka?

 

Naghihintay ng sagot, nakatitig lamang

Habang iyong mga mata ay gumagapang

Walang imik, walang kibo, walang talima

Tumatakbo ang isip, Tinig asan ka?

 

Tumayo na siya at naglakad palayo

Gusto mo pigilan, isip ay tuliro

Naisip sundan at sa wakas magpakilala

Ngunit huli na, Tinig asan ka?

 

Tinig asan ka?

Advertisements