You are currently browsing the tag archive for the ‘pacquiao’ tag.

Nitong mga nakaraang araw, bigla na naman nauso ang mga religious issues, salamat kina Manny Pacquiao at Lady Gaga. Uminit na naman ang mga diskusyon tungkol sa kung ano ang tama o mali, moral o immoral tsaka kung anu-ano pang antonyms.

Nagalit ang mga bading kay Manny dahil umano sa kaniyang binitiwang salita patungkol sa sinasabi ng Bibliya tungkol sa mga nakikipagrelasyon sa kapwa nila lalaki/babae. (Manny Pacquiao: mahusay MAKIBAKA, hindi MAKABEKI).

Ang mga “relihiyoso” naman mukhang nakitaan ng sungay at buntot si Mother Monster, a.k.a Lady Gaga na nagpasikat ng mga kantang Poker Face at Born This Way. Siya din ang nagpasikat ng fashion brand na Monterey na mabibili na ngayun sa Frozen section ng lahat ng SM Supermarket nationwide.

Ito ang seryosong tanong.

Sino ang dapat magsabi kung ang isang bagay ay tama o mali? Sino ang magsasabi kung ang isang bagay ay masama o hindi? Sino ang magsasabi kung ang bagay ay immmoral o hindi?

Ang tama at mali, masama at mabuti ay nakapa subjective. Ako bilang ako, naniniwala ako na lahat ng bagay ay subjective. Ako bilang hindi ako, hindi ko alam. Para sa akin lahat ng bagay ay nakasalalay sa perspective. Walang absolute ika nga. Maliban sa tubig.

Para sa karamihan, ang moralidad ng isang bagay ay naayun sa kulturang kinagisnan at ang kulturang kinagisnan ay madalas naaayun sa relihiyon o paniniwala. Para sa mga Kristiyano, madalas nakabatay ang moralidad ng isang bagay sa kung ano ang nasasaad sa Bibliya. Koran naman para sa mga Muslim. Tanakh para sa Judaismo. Sruti para sa Hindus. Tripitaka para sa Buddhists. Tao Te Ching para sa Taoists. FHM para sa Soloists.

Totoo ba ang Bibliya? Historical ba ito? O isang napakagandang kwento na inakda ng maraming tao sa loob ng maraming taon? (isipin mo na lang nagsama sina Tolkien, Rowling, Shakespeare, Coelho, Lewis, Dickens, Twain, Tolstoy, Bob Ong, etc upang gumawa ng isang super novel).

Dahil alam ko mas madami sa atin dito ang Kristiyano at pamilyar sa Bibliya, tignan natin ang istorya nina Adan at Eba.

Si Adan ay ginawa ng Diyos. Nanggaling si Eba mula sa tadyang ni Adan. Nasa Hardin sila at masaya. Sinabihan sila ng Diyos na huwag kakain ng bunga mula sa Puno sa gitnan ng hardin. Kinausap si Eba ng ahas. Kapag kumain siya ng bunga ng puno sa gitna ng hardin, magiging parang Diyos na rin siya. Malalaman niya kung ano ang tama at kung ano ang mali. Kumain si Eba ng bunga. Pinakain din nya si Adan. At doon namulat sila kung ano ang tama at mali. Nahiya sila na wala silang saplot. At nagtago sila mula sa Diyos dahil sa kanilang hiya. Pinalayas sila ng Diyos mula sa Hardin.

Ayun sa Bibliya, hindi pa alam ng nina Adan at Eba kung ano ang tama at mali. Hindi nila alam kung ano ang mabuti at masama. Ang tanong ko, kung ganun maari silang makagawa ng mga bagay na hindi nila alam na mali o masama. Baka kaya nila nagawang kumain ng prutas dahil hindi nila alam na masama ang suwayin ang utos ng Diyos. Bakit nasa Hardin ang puno na yun kung san pinagbabawal kumain ng prutas? Di ba pwede wala na lang? Paano kung isang hayop ang nakakain ng prutas na yun? Mahihiya din ba ito dahil wala itong saplot? Kung pinakain nina Adan at Eba lahat ng mga hayop ng prutas din na yun, lahat ng hayop ngayun, may mga damit din sana.

Tanong. Naniniwala ka ba sa Bibliya? Ako, Oo. paano ko malalaman kung totoo ang mga nakasaad dito? Ewan ko. Hindi ko mapapatunayan na totoo, pero naniniwala ako. Yan ang tinatawag na Pananampalataya. Faith.

Ang Pananampalataya ay ang paniniwala sa isang bagay na hindi pa napapatunayan o hindi kaya patunuyan bilang totoo. Kung wala ka nito, wala ka patutunguhan sa mundong ibabaw.

Bumili ka isang lata ng me tatak, “555 Sardines”. Paano ka nakakasiguro an sardinas nga ang laman? Pero binili mo pa rin. mapapatunayan mo na sardinas ng kapag nabili mo na, nabuksan at nakain. Ngunit sa puntong nagdesisyon ka na bilhin ang latang iyon, pinapakita mo ang Pananampalataya na tama ang nakalagay sa tatak nito. Paano ka nakakasigurong mahal ka ng kasintahan mo? Paano ka nakakasigurong ang driver ng taxi na sinakyan mo ay hindi holdaper? Paano ka nakakasigurong babae nga yung sinipulan mo kanina? Paano ka nakakasiguro sa mga bagay-bagay kung wala kang pananampalataya?

At bakit kapag nahatsing ka kailangan mo pang ipagsabi sa lahat na para bang hindi alam ng iba ang tawag sa ginawa mo?

Advertisements

Timangkeylendaryo

Setyembre 2017
L T M H B S L
« Oct    
 123
45678910
11121314151617
18192021222324
252627282930